|
Laerskool La Hoff bied met trots 'n Kurrikulum 2005-konsep aan wat uitkomsgerig is en leerders by uitstek op die eise van die nuwe millenium voorberei. Die klem val op lewensvaardighede en word deur middel van agt leerareas benader.
Die agt leerareas word op verskillende wyses vir die verskillende onderrigfases (Grondslag, die Intermediêre - en die Seniorfase) in leerprogramme geïntegreer. Bekwame en toegewyde personeel sorg vir kwaliteitonderrig in alle leerareas.
In hierdie fase is elke opvoeder verantwoordelik vir die aanbieding van al drie die leerprogramme, naamlik Geletterdheid, Gesyferdheid en Lewensvaardigheid.
Die Intermediêre en Seniorfase maak voorsiening vir agt leerprogramme wat elkeen leeruitkomstes en assesseringskriteria uit al die leerareas integreer.
Behalwe vir die integrasie van al die leerareas om outentieke leer en assesseringsgeleenthede te beplan, te onderrig en te fasiliteer word die progressiewe ontwikkeling van die kennis, vaardighede, gesindhede en waardes beklemtoon.
Graad 7 leerders kry geleentheid om in samewerking met hul ouers en onderwysers haalbare teikenpunte te stel vir die jaareindrapport. Epos ons vir meer inligting.
- Taal, Geletterdheid en Kommunikasie (Afrikaans en Engels);
- Wiskunde;
- Natuurwetenskappe;
- Tegnologie;
- Ekonomiese en Bestuurswetenskappe;
- Lewensoriëntering ;
- Sosiale Studies;
- Kuns en Kultuur
Verder word die volgende addisionele vakke ook aangebied:
- Rekenaarondersteunde onderrig
- Rekenaargeïntegreede onderrig
- Bybelonderrig
- Bewegingsontwikkeling (LO)
Onderrig word ondersteun deur volledige toegeruste Wetenskaplaboratorium, Mediasentrum en 'n rekenaarsentrums.
|
